一路好走

聽到一單又一單有人過身嘅消息, 先係公司同事, 之後阿婆, 然後到大姨媽, 大姨媽嘅離開真係令我覺得好難過, 太突然了, 好難接受係事實, 媽咪好傷心.  希望上天快啲帶走我地嘅哀傷, 但願大家都可以開開心心咁生活落去, 珍惜身邊嘅人, 唔好再互相埋怨, 能夠一齊生活, 並唔係必然, 亦希望離開左嘅你地, 能夠喺天國安息.

川貝蘋果

豐豐上星期病左, 雖然已經好番好多, 不過間中都仲有幾聲咳同有痰, 第一次燉川貝蘋果試下, 加左幾粒冰糖, 甜甜地都肯飲, 唔知係咪俾豐豐傳染左, 我都病了.

布朗尼 Brownies

有一日無意中睇到 Towngas個 Apps 入面有個脆皮朱古力班尼蛋糕嘅食譜, 好似都幾簡單, 咁岩屋企又有朱古力, 於是星期日下晝趁得閒就整左啦, 豐豐好鐘意食呀, 成晚拉我埋去叫我拎俾佢食

當歸黨蔘湯, 辣椒蒜茸香煎大蝦, 臘腸滑雞煲仔飯

今日係元宵佳節呀, 希望大家日日都咁sweet啦.  元宵係我同老公拍拖紀念日, 今年第12年啦!

南瓜豬潤肉碎粥

豐豐其實已經可以食大人野架啦, 不過放假食得太雜, 都會煲下粥仔俾佢清下腸胃.