BB日誌 - 豐豐滿月啦

時間過得真係快, 我個寶貝仔豐豐已經滿月啦.  豐豐有出世紙, 有個 official嘅名, 拎左出世紙之後第一次去健康院, 當嗌咪叫豐豐個名嘅時候, 覺得好搞笑呀!

終於過左一個月, 豐豐已經有4.53kg, 健康院嘅姑娘話進度好好呀, 我好滿足, 即係證明我揍得好好啦, wakakaka... 多左個仔, 而家日日都唔夠瞓, 有時真係餵緊奶都差 D瞓著, 雖然豐豐唔算難揍, 不過始終有唔乖嘅時候, 又眼瞓佢又唔聽話, 都幾忟憎架, 但係當 BB笑一下, 真係咩都唔記得晒架.