紅菜頭淮山茨實湯

哩排街市好多紅菜頭賣, 上星期又買左黎煲湯.  之前老公嫌紅菜頭湯有泥味, 今次我冇要啲葉同莖, 又真係冇泥味喎, 唔知關唔關事呢?   今次個湯唔係鮮紅色啦, 唔知係因為我用真空煲放耐左, 定因為我加左淮山茨實呢? 



紅菜頭淮山茨實湯
材料: 紅菜頭, 淮山, 茨實, 粟米, 紅蘿蔔, 豬展

做法:
1.  紅菜頭刨皮, 切片.  淮山浸半小時.  紅蘿蔔刨皮切件.  豬展出水.  粟米切段.
2.  所有材料加入水, 大火煲30分鐘, 放入真空煲, 飲前再煲15分鐘, 加鹽調味.  即成.