青紅蘿蔔海底椰螺片湯, 叉燒炒蛋, 葡汁雞翼

今日好正呀, 同豐豐一齊瞓左成 3粒半鐘晏覺, 開住冷氣真係好舒服呀.  瞓醒覺起身煮飯仔食啦.

周末食譜: 青紅蘿蔔海底椰螺片湯, 叉燒炒蛋, 葡汁雞翼

青紅蘿蔔海底椰螺片湯

材料: 青蘿蔔, 紅蘿蔔, 粟米, 急凍海底椰, 螺片, 元貝, 薑片, 西施骨

做法:
1. 青紅蘿蔔刨皮切件; 西施骨出水, 螺片元貝浸軟.
2.  水滾後放入所有材料, 大火滾 30分鐘, 放入真空煲, 飲前再大火煲 15分鐘, 落鹽調味.  即成.

葡汁雞翼

材料: 雞翼, 薯仔, 甘筍

做法:
1. 雞翼加入薑汁及胡椒粉拌勻, 以去雪味.
2. 先略炒薯仔及甘筍, 加入雞翼略炒.
3. 再加入水, 雞粉, 老抽, 糖, 少少咖哩醬, 椰汁及生粉, 煮至收水, 試味.  即成.