10號韋森特襲港

尋晚掛10號風球呀, 真係好勁.  老公去左歐洲business trip, 得番我同豐豐喺屋企, 下晝4點幾提早放工, 返去媽咪度食埋飯就揹住豐豐返屋企, 當時已經係8號啦, 行左未夠3分鐘, 把遮已經吹爛左, 好彩冇咩雨咋, 於是急步行, 豐豐又重, 真係超狼狽.  夜晚喺屋企都感受到出面好大風, 抽氣扇吹到呼呼聲, 好似想飛出黎咁, 又勁大風大雨, 好驚會吹爛啲窗, 搞到我成晚瞓得好差, 今朝起身見窗台有啲入水, 好彩唔算好多, 哩個韋森特真係唔野少呀, 初時仲以為會打唔成, 點知上到10號.