豐豐上學去 - PN

我個仔大個仔啦, 要返學啦.  我突登請左幾日假陪佢, so far都好乖, 陪左佢4日上堂, 見佢喺學校都好開心, 仲會跟老師一齊跳舞同跟口水尾唱歌, 尋日第一日冇家長陪, 佢都冇喊, 真係叻仔!!  返左幾日學, 唔知係咪正如老師講生活有所改變, 豐豐好痴我, 成日要我抱, 夜晚又發開口夢, 有時又叫媽咪媽咪, 好似瞓得唔係好好咁, 不過問佢返學開唔開心, 佢話開心, 希望佢快啲適應返學嘅生活啦.