咸魚雞粒炒飯, 蠔油生菜, 高鈣鯊魚骨燉烏雞

星期一, 繼續落雨, 要返工, 老闆出完 trip, 真係好唔想返工呀.

尋日星期日, 喺屋企煮飯仔, 又試下整 D未整過嘅餸, 除左冰鎮豬手係買嘅, hehe, 話時話, 個冰鎮豬手好好味呀, 我留番條骨遲 D要黎煲湯, 呵呵.  仲有我至愛嘅咸魚雞粒炒飯, 我由細到大都好鐘意食咸魚架, 我細個嘅時候係可以一餐飯剩係得咸魚做餸架, 唔好以為冇錢先食咸魚青菜, 媽咪話咸魚貴過新鮮魚架, 不過咸魚真係冇咩益, 而家小食多滋味啦.  放假最好就係煲下湯, 我用左屋企有嘅湯包, 加埋紅蘿蔔同烏雞, 整左高鈣鯊魚骨燉烏雞湯, 加埋個蠔油生菜, 搞掂啦.