甘筍洋蔥薯仔雞肉粥

尋日喺酷熱警告之下我地入左荃灣探老公個阿嫲, 一個抱住豐豐, 又要上車落車, 另一個拎住部車仔同個媽咪袋, 真係去完返黎成身都散晒.  不過之後我地成功帶住豐豐食左一餐譚仔米線, 我地5:30已經去食啦, 諗住冇咁多人啦, 不過原來唔係架, 一樣好多人囉.  我地兩個人竟然都可以食百幾蚊譚仔, 真係好勁, 譚仔啲青椒皮蛋真係好好味呀, 老公鐘情蒜泥白肉, 當然唔少得土匪雞翼啦, 正!

我自己本身鐘意用甘筍or紅蘿蔔煲湯, 但係就唔係咁鐘意食, 不過我會磨茸煲粥仔俾豐豐食, 貪佢顏色靚 hoho, 同埋都好有營養架.