羅漢果水

哩幾日放假真係好 happy呀, 晚晚又唔洗趕住去瞓, 第二日又可以瞓到自然醒, 好爽呀, 最衰就係天氣唔好啦, 第一日上左山頂, 原來諗住去完杜莎夫人蠟像館, 食埋 Burger King, 就去行下山, 不過落雨, 又凍, 結果都係走左.  第二日約埋班 friend入左 K小姐屋企打邊爐.  尋日原本又 plan左去南丫島行山, 不過好大霧, 又濕都冇去 lu, 真係掃興, 不過算啦, 唔洗返工已經好開心, honey又買左部 NDS俾我, 哩兩日都喺屋企打機.

睇完 <蘇 GOOD>, 知道羅漢果水好有益, 又易煲, 媽咪俾左兩個羅漢果我, 今日見得閒, 煲左一大煲俾 honey當水飲, 佢唔 like飲無味嘅水, 哩個羅漢果水岩晒佢啦.

羅漢果水 (食譜參考自 <蘇 GOOD>)

材料:
羅漢果 2個
水 4公升

做法:
1.  羅漢果略洗, 用手整爛, 放入凍水, 大火煲, 滾起計煲 20分鐘, 待涼.  即成.

小貼士:
1.  靚的羅漢果, 搖它的時候內裡沒有聲嚮, 表面有光澤, 顏色不要太黑.
2.  記得羅漢果一定要凍水落.
3.  待涼後放入雪櫃可保存一個月.