鮑汁炆雞, 帶子三文魚配周打蜆汁, 北芪黨蔘淮杞燉雞湯

今個星期開始返工啦, 第一日返去, 張枱亂到顛, 好似打完仗咁, 收拾完殘局, pick up番 D工作, 話咁快就過左一日, 因為太多野做啦, 係冇時間掛住豐豐囉, 放左工先想飛快番去見下我個乖 B.

岩岩過左個星期日有煮飯呀, 仲有靚湯添, 兩餸一燉湯 : 鮑汁炆雞, 帶子三文魚配周打蜆汁, 北芪黨蔘淮杞燉雞湯.

帶子三文魚配周打蜆汁

材料 : 帶子, 三文魚扒, 罐頭周打蜆湯一罐

做法 :
1. 帶子及三文魚用鹽及胡椒粉略醃.
2. 先煎熟帶子及三文魚, 盛起.
3. 周打蜆湯加少許水煮滾, 淋在帶子及三文魚上, 即成.

北芪黨蔘淮杞燉雞湯

材料 : 北芪, 黨蔘, 淮山, 杞子, 圓肉, 瘦肉, 雞, 薑片

做法 :
1. 淮山用水浸一小時.
2. 所有材料放入燉盅, 加滾水, 燉 2.5小時, 加鹽調味, 即成.