迷你蝴蝶酥

之前買左一包酥皮, 就過期啦, 又諗唔到整咩, 星期日下晝阿仔瞓左, 見得閒拎塊酥皮出黎試整蝴蝶酥, 好簡單就搞掂啦.

迷你蝴蝶酥

材料: 片裝酥皮, 糖, 水(少少)

做法:
1.  酥皮解凍數分鐘至軟身; 焗爐220度預熱.
2.  灑上糖及少少水, 將兩邊輕力卷至中間, 期間一邊卷一邊灑糖及少少水, 卷好後切片, 放上已鋪錫紙的焗盤上.
3.  放入焗爐焗約15分鐘, 期間可將蝴蝶酥反轉.  出爐後放上鐵架待涼, 即成.

小貼士:
1. 記得只灑好少水, 因為水太多, 酥皮會太黏.