地震之後

自從日本地震同海嘯之後, D香港人好似痴晒線咁, 繼掃晒 D日本奶粉之後, 今日竟然掃鹽, 雞粉, 豉油, 是關有流傳話哩 D可以防幅射  究竟香港人幾時開始變得咁無知? 

見到新聞報導有對日本夫婦, 佢地驚幅射, 但係又唔可以放棄日本嘅一切離開, 唯有忍痛送自己嘅小朋友離開, 自己兩公婆留番喺日本, 分離嗰刻真係好痛心, 我睇到真係好心酸, 可能我而家已經係媽咪, 感受真係好深, 前排我先問老公, 如果有一日豐豐唔喺我地身邊唔知點算... 

日本有好多人突然間咩都冇晒, 屋企冇左, 親人冇左, 仲要驚幅射, 但係我地喺香港 so far咁安全, D人就發災難財, 清醒下啦香港人, 唔好咁無知啦!!!!

珍惜一切, 為日本祈禱!