關東煮

關東煮係日本人嘅一種料理, 台灣都好流行, 而家7-11都見有得賣, 今次試自己煮, 雖然多步驟, 但真係好味, 關東煮無指定材料, 自己鐘意食咩就加咩, 不過蘿蔔非落不可, 入晒味好正架, 我煮左一大煲湯底, 剩番用黎打邊爐, yummy!

關東煮

湯底材料: 昆布, 木魚花, 水, 醬油, 糖, 味醂, 米酒

其他材料: 蘿蔔, 炸魚蛋, 獅子狗卷, 乾豆腐等

做法:
1. 先煮蘿蔔, 蘿蔔去皮切件, 放入滾水煮熟, 盛起沖凍水備用.
2. 然後準備湯底, 昆布加入凍水, 慢火煮至微滾, 熄火, 撈起昆布, 時間約10分鐘.
3. 加入木魚花, 開火煮至滾即熄火, 待木魚花沉底就撈起.
4. 加入醬油, 糖, 味醂, 米酒煮滾, 先加入需要吸味的食材如蘿蔔及乾豆腐, 然後加入其他食材, 煮至熟, 即成.

小貼士:
1. 昆布不宜煮太久, 煮得太久粘液會煮出來.
2. 木魚同樣不宜煮太久, 會煮出腥味, 加入米酒可去除腥味, 也可用清酒代替.