學朱古力記

今日我出左灣仔 3次, 真係攰死人, 因為我要幫我個麻煩老闆做佢 D私人野.  一早要我去幫佢搞越南 visa, 返到公司都未坐定, 又叫我去入境處幫佢延長佢同佢個仔嘅留港簽證... 老實講, 我真係唔係幾願意做架, 不過唔同 say no 咩, 佢仲問我介唔介意, 真係 "啤"一聲囉, 唔同我話介意咩 ~~~ 老闆!!!!!


期間有個小插曲, 話說我上的士嘅時候, 見到座位上面有部電話, 我咪同司機大佬講囉, 佢就好勞氣咁話 D客好唔小心, 我就提議不如我幫佢拎番個電話返去啦, 佢個客應該都係喺我公司附近返工, 咁佢梗係話好啦, 唔洗佢又揸番架車返去搵個客嘛.  之後電話嘅主人打黎, 我咪約佢俾番部電話佢囉... 件事就係咁啦, 我都算做左件好事啦.


放左工, 我同朋友 W小姐一齊去二德惠學整朱古力, 好開心呀, 我想學整好耐架啦, 上網睇 D食譜, 睇黎睇去都唔係好明點整, 真係要親自去學先識架.  今日教整 3款朱古力, 分別係軟心朱古力, 榛子朱古力同埋酒心朱古力. 

整野食真係開心, 之前返工 D唔開心野都唔記得 lu.

二德惠
課程名稱: 朱古力糖
導師: Ken Law
http://www.twinsco.com/