超鬆化唧花牛油曲奇

好耐冇焗蛋糕同曲奇啦, 上次同 BK嘅 friend gathering, W小姐請我地食佢整嘅 homemade 唧花牛油曲奇, 真係超鬆化, 挑起我條筋又想整, weekend趁阿仔瞓左晏覺, 拿拿臨跟住 W小姐教嘅方法試下整, 真係好簡單呀, 連老公都話好似 Jenny Bakery一樣咁好味, 不過我嫌個花型唔夠出, 下次再試過.

唧花牛油曲奇 (食譜參考自朋友W小姐)

材料:
糖粉 50g
無鹽牛油 200g
低筋粉 170g
粟粉 30g
鹽 少少

做法:
1. 牛油放室溫至軟, 加入糖粉打至淡黃色.
2. 粉類連少少鹽過篩, 加入 (1)拌勻.
3. 放入唧袋, 在已鋪牛油紙的焗盤上唧出花型曲奇, 放入雪櫃定型.
4. 焗爐預熱 180度, 曲奇入爐焗約 12分鐘.
5. 曲奇放在鐵架上待涼.  即成.

小貼士:
1. 如用有鹽牛油無需加鹽.

甘筍洋蔥薯仔雞肉粥

尋日喺酷熱警告之下我地入左荃灣探老公個阿嫲, 一個抱住豐豐, 又要上車落車, 另一個拎住部車仔同個媽咪袋, 真係去完返黎成身都散晒.  不過之後我地成功帶住豐豐食左一餐譚仔米線, 我地5:30已經去食啦, 諗住冇咁多人啦, 不過原來唔係架, 一樣好多人囉.  我地兩個人竟然都可以食百幾蚊譚仔, 真係好勁, 譚仔啲青椒皮蛋真係好好味呀, 老公鐘情蒜泥白肉, 當然唔少得土匪雞翼啦, 正!

我自己本身鐘意用甘筍or紅蘿蔔煲湯, 但係就唔係咁鐘意食, 不過我會磨茸煲粥仔俾豐豐食, 貪佢顏色靚 hoho, 同埋都好有營養架.

西蘭花牛肉粥

喺 BK識左一班朋友, 尋晚出左黎 gathering, 好開心呀, 我其實真係好少約啲網友出黎, 不過佢地唔同呀, 大家 background差唔多, 非常岩 key

雜菜豬尾湯, 柱侯洋蔥焗雞, 燒鰻魚

通脹真係好勁呀, 啲野勁貴, 連樓下茶餐廳凍飲竟然要加$3, 好多囉.  唉, 真係可以點慳呢?

老公唔講唔知, 原來日本好多鰻魚都係黎自佢鄉下, 福建架, 所以奶奶佢地返鄉下都會拎啲返黎俾我地食, 蒸熱就食得架啦. 

周末食譜: 雜菜豬尾湯, 柱侯洋蔥焗雞, 燒鰻魚

雜菜豬尾湯

材料: 椰菜, 南瓜, 紅蘿蔔, 蕃茄, 薯仔, 豬尾骨

做法:
1. 豬尾骨出水; 所有材料切細件.
2. 水滾後放入所有材料, 大火煲30分鐘, 放入真空煲, 飲前再大火煲約15分鐘, 落鹽調味.  即成.

柱侯洋蔥焗雞

材料: 雞件, 洋蔥, 蒜頭

做法:
1. 先爆香蒜頭及洋蔥, 再加入雞件略炒.
2. 加入水, 柱侯醬, 生抽, 老抽, 糖.
3. 蓋上蓋將雞煮熟, 試味後熄火, 加入酒, 再蓋上蓋.  即成.

南瓜牛肉粥

放左5日假, 好攰呀, 湊住豐豐真係攰過返工, 因為佢而家成日周圍搞事, 成日想搞哩樣搞嗰樣, 要貼身侍候囉

尋日煮左南瓜牛肉粥, 啲味好夾, 之後仲俾左啲落鹽之前盛起嘅雜菜豬尾湯佢飲, 飲左大半樽, 成個肚仔脹起晒

冬瓜雞肝雞肉湯ABC粉

尋日朝準備浸下啲米煲粥仔, 點知發現缸米有好多一粒粒好細嘅野郁郁下, 好恐怖呀

老公話唔係谷牛, 唔知咩黎架, 結果當然全部扔晒去啦.  好彩屋企有包ABC粉, 如果唔係都唔知煲咩俾豐豐食.  我用左冬瓜, 雞肝同雞肉整左個湯底煮ABC粉, 老公偷飲啲湯, 話好好飲, 好甜呀, 差啲俾佢飲晒豐豐啲湯呀.