黑蒜紅蔘燉雞湯

天氣忽冷忽暖, 好容易病, 阿仔都咳左幾日, 不過好彩一向身體都好好, 只係好小事啫.  見屋企仲有紅蔘, 加埋黑蒜, 糯米, 紅棗等去燉雞, 味道有點似韓國嘅人蔘雞湯, 啲雞燉完勁嫩滑, 好好味呀, 聽講紅蔘對病後都好有幫助添.

黑蒜紅蔘燉雞湯

材料:
紅蔘片, 黑蒜, 蒜頭, 糯米, 雞(去皮), 紅棗, 圓肉, 瘦肉, 瑤柱

做法:
1. 糯米洗淨用水浸數小時; 雞及瘦肉跑水; 蒜頭去衣; 其他材料洗淨.
2. 將所有材料加入滾水, 放入電子燉盅, 燉3小時, 下鹽調味, 即成.